సత్యం వార్త / నంద్యాల జిల్లా ప్రతినిధి / మార్చి 09 :
తిరుమల శ్రీ వేంకటేశ్వర స్వామివారి మంగళశాసన కార్యక్రమంలో పాల్గొనేందుకు శ్రీ అహోబిల మఠం 46వ పీఠాధిపతులు శ్రీశ్రీశ్రీ రంగనాథ యతీంద్ర మహాదేశికన్ స్వామివారు సోమవారం ఉదయం అహోబిలం నుంచి తిరుమలకు బయలుదేరారు. ఈ సందర్భంగా అహోబిలం మఠం పరిసర ప్రాంతాల్లో భక్తులు పెద్ద సంఖ్యలో తరలివచ్చి జీయర్ స్వామివారికి ఘనంగా వీడ్కోలు పలికారు. వేద పండితులు వేద మంత్రోచ్చారణల మధ్య స్వామివారికి ఆశీర్వచనాలు అందజేశారు. భక్తులు జీయర్ స్వామివారి ఆశీస్సులు తీసుకుంటూ తిరుమల యాత్ర విజయవంతం కావాలని ప్రార్థించారు. అనంతరం స్వామివారు తిరుమల శ్రీవారి మంగళశాసన కార్యక్రమంలో పాల్గొనేందుకు భక్తుల ఆశీస్సులతో తిరుమల పయనమయ్యారు.
అహోబిలం ప్రాంతానికి చెందిన అనేక మంది భక్తులు, మఠానికి సంబంధించిన శిష్యులు, స్థానిక ప్రముఖులు ఈ కార్యక్రమంలో పాల్గొన్నారు.