సత్యం వార్త / నంద్యాల జిల్లా బ్యూరో / మార్చి 20 :
నంద్యాల జిల్లా ప్రజలకు, ముఖ్యంగా ముస్లిం సోదర సోదరీమణులకు రంజాన్ పండుగ శుభాకాంక్షలు తెలుపుతూ 38వ వార్డు ఇంచార్జ్ తాటికొండ బుగ్గ రాముడు హృదయపూర్వక సందేశాన్ని అందించారు. హితబోధన, కరుణ, దాతృత్వం, సర్వమానవ సమానత్వాన్ని ప్రతిబింబించే పవిత్ర పండుగగా రంజాన్ ప్రత్యేక స్థానం కలిగి ఉందని ఆయన పేర్కొన్నారు.
పవిత్ర ఖురాన్ అవతరించిన ఈ పుణ్యమాసం, ఉపవాస దీక్షల ద్వారా ఆత్మశుద్ధి సాధించే ముస్లిం సోదరులకు ఆధ్యాత్మిక ఉత్సాహాన్ని నింపుతుందని తెలిపారు. నెలపాటు కఠిన ఉపవాసాలు పాటించిన అనంతరం జరుపుకునే రంజాన్ పండుగ, భక్తి, ఆనందం, ఐక్యతకు ప్రతీకగా నిలుస్తుందని అన్నారు.
ఈ సందర్భంగా ముస్లిం సోదరులు అందరూ ఆనందంగా, శాంతియుతంగా పండుగను జరుపుకోవాలని కోరుతూ, అల్లాహ్ దయతో నంద్యాల జిల్లా ప్రజలందరికీ సుఖశాంతులు, ఐశ్వర్యం కలగాలని తాటికొండ బుగ్గ రాముడు ఆకాంక్షించారు.
రంజాన్ పండుగ ద్వారా సమాజంలో సౌభ్రాతృత్వం మరింత బలపడాలని, అన్ని వర్గాల ప్రజలు కలిసికట్టుగా ముందుకు సాగాలని ఆయన పిలుపునిచ్చారు.