అమెరికా యుద్ధ విధానాలకు వ్యతిరేకంగా నంద్యాలలో సిపిఐ ఆధ్వర్యంలో “యుద్ధం వద్దు… శాంతి ముద్దు” నినాదంతో నంద్యాలలో క్యాండిల్ ర్యాలీ నిర్వహించారు. రాష్ట్ర కార్యదర్శి జి. ఈశ్వరయ్య మాట్లాడుతూ అమెరికా చిన్న దేశాలను యుద్ధాల్లోకి నెట్టుతూ ఆయుధాలు అమ్ముకుంటుందని విమర్శించారు. ఈ యుద్ధాల ప్రభావం ప్రపంచవ్యాప్తంగా ధరల పెరుగుదలకు దారితీస్తోందని, గ్యాస్, పెట్రోల్ ధరలు పెరిగి ప్రజలు ఇబ్బందులు పడుతున్నారని తెలిపారు.
ఈ కార్యక్రమంలో సిపిఐ జిల్లా కార్యదర్శి రంగనాయుడు, సహాయ కార్యదర్శి బాబా ఫక్రుద్దీన్, ఎఐటియుసి జిల్లా కార్యదర్శి సుంకయ్య, శ్రీనివాసులు, రాధాకృష్ణ, భార్గవ్, సోమన్న, లక్ష్మీదేవి తదితర నాయకులు, మహిళా సంఘ ప్రతినిధులు, పెద్ద సంఖ్యలో కార్యకర్తలు పాల్గొన్నారు.